Кырык марла масакланенрӓк келесӹмӹ шукы халык шая улы. Иктӹжӹ техеньӹ – «77 иӓт – шӹм и, 17 иӓт – шӹм и». А тенгежӹ, ӹлӹмӓшӹм висӹкӓлен, вес семӹнь сӓрӓлӓш вӓрештеш: «17 и – сусу курым». Но, кыце маныт, шӱм 60, 70 иӓшӹнӓт со сӓмӹрӹк ылеш. Тидӹм Кырык мары театрын артиствлӓ тӹнг режиссерышты Ольга Искоскина видӹмӹ «Яратымаш иӓшӹм ак анжы» спектакль-концерт доно 19 январьын Яков Эшпай лӹмӓн Культура дворецӹштӹ пингӹдемдевӹ.